Il stab da crisa Tujetsch ei sefatschentaus intensivamein cul niev svilup dil virus da Corona. En stretga coordinaziun e cooperaziun culs responsabels dil cantun Grischun ha la vischnaunca gia priu las suandontas mesiras:
- Liquid da desinfectar sco era mascras da protecziun vegnan mess a disposiziun sulettamein tier cass urgents
- Preparau entginas combras dall’anteriura casa d’attempai Tgèsa s. Vigeli per cass da quarantina (persunas infectadas)
- Liug da communicaziun/post da commando secatta ella Tgèsa communala
- Il stab da crisa ei en stretg contact cul miedi Andreas Fischbacher, Sedrun
Per ulteriuras damondas stat la vischnaunca Tujetsch (081 920 47 80) bugen a Vossa disposiziun.
13 da mars 2020
Stab da crisa Tujetsch