Contact
Museum La Truaisch
Via dil Bogn 11
7188 Sedrun
T 081 949 13 43
museum@tujetsch.ch

Il museum muossa la veta ed il luvrar d’antruras ella Val Tujetsch. Ina stiva, ina combra da durmir e cuschina dattan in’impressiun dalla casa da pli baul. El plantiu sepresentan ils mistergners calger e scrinari. Plinavon vegnan era l’agricultura, l’alpicultura d’antruras sco era la cultura da glin presentadas a moda vasta. – Ella partiziun da mineralias secattan admirabels minerals da nos cavacrappa indigens sco era unicats ord il tunnel da basa Gottard.
Plan da situaziun
Historia dalla casa Museum La Truaisch

Temps d’avertura
mardis e venderdis e l’emprema dumengia dil meins naven dallas 15.00 – 18.00
stad: 1 da fenadur – 31 d’october
unviern: 20 da december – Pastgas

Prezi d’entrada
carschi frs. 7.00
affons frs. 4.00
Gratuit cun la carta dalla Banca Raiffeisen e hosps cun la carta da hosps.

Sin annunzia sa il museum era vegnir visitaus da tut temps e quei era ordeifer
il temps d’avertura indicau.
Telefon 081 949 13 43 ni email museum@tujetsch.ch.

Il bi curtin e la sala dil museum stattan a disposiziun per aperitivs, sentupadas da classa e famiglia, sesidas, fiastas, cuors, seminaris, local d’exercezi ed auter.
Prospect general

Mintga treis onns (2024) vegnan las mineralias da nos cavacrappa indigens scumiadas e remplazzadas cun raritads ed exclusivitads ord las collecziuns. Nos cavacrappa indigens dattan aschia ina nudetga etichetta da qualitad al museum cun exponer da lur meglieras anfladas. Ina part d’in tschaler fuorma la gronda part dallas minearalias en possess dalla vischnaunca. Denter quellas la gronda schelta da mineralias ord il tunnel da basa Gottard cun las duas partiziuns da mineralias ord ils dus secturs dil tschancun da Tujetsch sid e nord. Il „star“ resta naturalmein il Milarit grond dalla Val Giuv, quei senza sminuir la qualitad e bellezia da tut las autras mineralias!

NIEV
Exposiziun dalla collecziun dad Ignazi Albin (1933-1987) Tschamut cun bellezia raritads da Cavradi. Il Museum La Truaisch ha giu l’unica caschun da cumprar sia collecziun si dalla Bassa.

Repartiziun dallas mineralias ellas localitads
Ella stanza nord ein exponidas las cristallas da nos cavacrappa indigens. El sid sesanflan tuttas mineralias en possess dalla vischanunca.

Broschura Milarit 

Ti eis in vaschler. Fotos da vischala/cheramica ein zuppai el museum. In fegl cullas fotos gida Tei ad encurir. Noda las numeras sil fegl.
Sche ti separticipeschas alla concurrenza, survegnas ti ina cristalla che ti sas eleger

Il svilup dil semglin alla teila. Gl’entir process vegn presentaus cun figuras ed urdeins miniaturs. Ils indrezs d’elavuraziun ein era exponi en grondezia naturala: reffel, braha, roda da filar, plitguira, taler ed auter bia

Il faner giudem:
Exposiziun speciala: Cuntrada dil vitg – sco avon onns
Quel presenta ils bellezia  edifecis scaffi  dils mauns dad Albert Cavegn-Deplaz (1931-2001). La caplutta da Nossadunna a Zarcuns, entginas casas ed in clavau fuorman ina part d’in vitg tuatschin.
La quotidiana dils 12 da fenadur 2016

Il faner sisura:
Uaffens ed iseglia dalla agricultura e mulin da graun da Cavorgia.

Las culturas en curtin
Dumiec e segal
Glin
Truffels

Ord ina gliesta da varga tschunconta films san ins eleger e mirar in film. Films davart cultura, usits, sport, religiun, dalla scola tuatschina, cavar cristallas, agricultura ed aunc auter. Presentaziuns da fotos muossan eveniments, cuntrada e cultura dalla val.
Survesta dils films

Descargar sco PDF.

Die Südostschweiz dils 7 da zercladur 2012
Bündner Tagblatt dils 19 da zercladur 2012
Ella pressa LQ dils 01 da fenadur 2014
La Quotidiana dils 02 da fenadur 2015