skip to Main Content
Vischnaunca Tujetsch, Via Alpsu 62, 7188 Sedrun 081 920 47 80 info@tujetsch.ch

Lag Claus Surrein

Tier ina bubronda freida ni in pier freid saveis Vus guder silla terrassa il bellezia panorama, il lag, las pastiras, igl uaul sco era ils cuolms che vegnan avon schi datier. Tier temperaturas cauldas gida in segl ella aua freida dil lag.

Culla puntera eisi pusseivel da traversar il lag. Spel lag han ils affons la pusseivladad da sedivertir vid ils differents urdeins da giugar.

Contact
Lag Claus Surrein
7188 Sedrun
T 078 633 05 56
info@putnengia.ch

Temps d’avertura
Naven da miez matg entochen la fin d’october, mintgamai naven digl gliendisdis entochen dumengia, naven dallas 10.00 entochen allas 19.00 uras ei l’ustria aviarta ed il lag accessibels. Nus selegrein sin Vossa viseta.

Gastronomia
In gentar, in puschegn per la fom denterora, ina tscheina ni in aperitiv cun amitgs. L’ustria porscha tut quei.
La purschida cumpeglia freidas e cauldas spisas, snacks, salatas, glacé, freidas e cauldas bubrondas.

Fagei aschi bien e risguardai las suandontas reglas
• Prender cun butteglias da glas, glas ed autras caussas che san rumper ei scumandau
• Sin gl’entir areal ston tgauns vegnir menai entuorn cun corda
• Ils tgauns astgan buca far bogn el lag

Nus selegrein sin Vossa viseta

Back To Top