Cordial engraziament all’Uniun samaritana Tujetsch
Duront ils davos meins ha l’Uniun samaritana Tujetsch prestau 63 survetschs per la populaziun Tuatschina el connex cul coronavirus. La suprastonza e direcziun communala engrazian cordialmein als commembers ed allas commembras dall’uniun samaritana per la buna lavur ch’ei vegnida prestada pils habitonts.
Program alternativ enstagl dalla fiasta digl 1. d’uost
La suprastonza communala ha decidiu da buca menar atras la fiasta digl 1. d’uost muort las prescripziuns el connex cul coronavirus che havessan buca possibilitau d’organisar in’emperneivla fiasta. In program alternativ anfleis Vus silla pagina d’internet www.disentis-sedrun.ch/top-events.