Menaschi tecnic
La suprastonza communala ha elegiu Rafael Loretz (39 onns) sco niev collaboratur dalla gruppa stradala. El ha absolviu igl emprendissadi da miradur tier l’interpresa Loretz SA, Sedrun. Silsuenter eis el sescolaus vinavon sco capoluvrer. Dapi igl onn 2007 eis el engaschaus tier l’interpresa Giger SA, Segnas. Igl onn 2009 ha el terminau siu secund emprendissadi sco tschentapegnas.
Rafael Loretz entscheiva sia nova plazza l’entschatta avrel 2022. La suprastonza communala giavischa ad el tut bien e bia success en sia nova plazza.