Administraziun communala – niev collaboratur pigl Uffeci da baghegiar
La suprastonza communala ha engaschau Georg Bearth sco niev collaboratur pigl uffeci da baghegiar e substitut dil menader digl uffeci da baghegiar. Georg Bearth ha terminau ils emprendissadis sco miradur e dessignader da construcziun aulta. Dapi rodund 20 onns lavura el tier l’interpresa Giger SA sco tschentapegnas. Naven dall’entschatta november entscheiva el sia plazza tier la vischnaunca Tujetsch. La suprastonza communala giavischa ad el bia plascher e cuntentientscha en sia nova plazza.
Nova directiva – fiugs artificials e bengals
La suprastonza communala ha decidiu che fiugs artificials e bengals ein sulettamein lubi el rom dalla fiasta digl 1. d’uost. A caschun dad autras occurrenzas sco per exempel da Sogn Silvester eisi scumandau da far tals fiugs.