Sin fundament dallas circumstanzas el connex cul virus da Corona ha la suprastonza communala decidiu da buca menar atras las elecziuns communalas dils 19 d’avrel 2020 (1. scrutini).
Sin fundament dallas prescripziuns relaschadas per impedir ulteriuras infecziuns entras il virus da Corona eisi buca pusseivel d’organisar las elecziuns communalas (dumbrar vuschs, votaziun all’urna eav.) tenor igl uorden. Ultra da quei sa il pievel pil mument era buca formar libramein ina opiniun a vesta dallas elecziuns, damai che la veta publica ei ordvart restrenschida e neginas occurrenzas el connex cullas elecziuns communalas han liug.
La suprastonza communala fixescha pli tard sin fundament dallas circumstanzas entras il virus da Corona in niev termin per igl emprem scrutini dallas elecziuns communalas 2020.
Suprastonza communala, ils 3 d’avrel 2020