La vischnaunca da Tujetsch porscha als habitonts sco era a persunas d’ordeifer mintga di calendaric duas cartas dil di dalla VFF (SBB) per la 2. classa.
Reservaziuns vegnan pridas encunter sil pli baul 4 meins avon il datum da viagiar per telefon, al spurtegl ni online sin nossa pagina d’internet. Las empustaziuns dallas cartas ein definitivas e san buca vegnir scumiadas ora ed era buca returnadas. Cartas dil di empustadas e buca retratgas ston vegnir pagadas cun il prezi cumplein. Ellas cuostan frs. 45.- tier la retratga al spurtegl e frs. 45.- plus frs. 5.- spesas tier la spediziun cun posta.
Las cartas dil di aunc disponiblas vegnan vendidas naven dil di avon il datum valeivel da viagiar per il prezi reduciu da frs. 20.-. Croda il di da viagiar sin ina sonda, dumengia ni gliendisdis, sa la carta vegnir empustada naven dil venderdis endamaun allas 8.00 uras per il prezi reduciu. La carta cul prezi reduciu sa denton mo vegnir retratga e pagada directamein al spurtegl dalla canzlia communala. Quella acziun cun il prezi reduciu ei limitada entochen la fin d’igl onn 2021.
Per ulteriuras damondas stat l’administraziun communala bugen a disposiziun sut 081 920 47 80 ni info@tujetsch.ch.
Cordials salids
Administraziun communala Tujetsch