El davos Fegl ufficial dalla Surselva han entginas vischnauncas publicau informaziuns en connex cul cattar biemaun e la viseta dils treis sogns Retgs. Sebasond sin las differentas interpretaziuns dallas restricziuns davart il coronavirus ha il stab directiv cantunal sclariu la situaziun e communicau ch’igl ei buca lubiu l’entschatta 2021 da cattar biemaun. Medemamein astgan era ils treis sogns Retgs buca visitar da Daniev las vischinas ed ils vischins da Tujetsch.
Sin fundament da quelllas restricziuns stipuladas per frenar la derasaziun dil coronavirus, supplichein nus da desister da Daniev da cattar biemaun sco era sigl usit dils treis sogns Retgs. Bugen sperein nus ch’ils affons astgien en in onn puspei tgirar quels bials usits.
Suprastonza communala, december 2020