Controlla da habitonts
Pensums
• Annunzias d’arrivada e da partenza
• Midadas d’adressa ella vischnaunca
• Tschentar ora divers attests, certificats, etc.
• Controlla dils jasters
• Menar il register electoral
Survetschs
Annunzias per persunas Svizras:
• Annunzia d’arrivada e termins
• Annunzia da partenza e termins
• Midada d’adressa en vischnaunca
Annunzias e lubientschas per persunas jastras:
• Annunzia d’arrivada e termins
• Annunzia da partenza e termins
• Damonda lubientscha da jasters EG/EFTA (A1)
• Arrivada dalla famiglia (A2)
• Damonda lubientscha da jasters (B1)
• Arrivada posteriura dalla famiglia (B2)
• Midada d’adressa en vischnaunca
Ils formulars anfleis Vus cheu.
Ulteriuras informaziuns per persunas digl exteriur anfleis Vus tiegl uffeci da migraziun e dretg civil.
Informaziuns
Annunzia d’arrivada
Cordial beinvegni en nossa vischnaunca!
Nus supplichein Vus da s’annunziar persunalmein enteifer 8 dis tier la controlla da habitonts, cunquei che nus duvrein da Vus il suandonts documents:
- Per persunas Svizras duvrein nus ils suandonts documents:
• Attest d‘origin
• Attest da famiglia (tier l’arrivada d’ina famiglia)
• Mussament dalla cassa da malsauns
- Per persunas digl exteriur duvrein nus ils suandonts documents:
• Pass
• Lubientscha da jasters (sche quella ei gia avon maun)
• Ina nova fotografia per la lubientscha da jasters
• Mussament dalla cassa da malsauns (tier famiglias da mintga persuna)
• Formular per ina damonda d’ina lubientscha da jasters, quel sto esser emplenius ora
La vischnaunca tschenta quen per la taxa dall’annunzia tenor igl uorden digl uffeci da polizia e dretg civil dil cantun grischun.
Informaziuns per novs habitonts
Uffeci d‘integraziun
- Per l’annunzia per dimora duront l’jamna duvrein nus ils suandonts documents:
• Surdada digl attest da domicil per dimora duront l’jamna
La taxa dall’annunzia munta a frs. 30.00
En cass ch’igl ei buca pusseivel per Vus da vegnir persunalmein sperasora, supplichein nus Vus d’emplenir ora il formular e tarmetter a nus ils documents necessaris per posta.
Informaziuns per novs habitonts
Annunzia da partenza
Nus supplichein Vus da s’annunziar persunalmein tier nus sin spurtegl per che nus sappien returnar a Vus las scartiras.
- Per persunas Svizras duvrein nus ils suandonts documents:
• Datum da partenza
• Adressa da partenza
• Attest retschevida dallas scartiras (Schriftenempfangsschein)
• Carta d’identitad (ID ni Pass)
Vus retschevis igl attest d’origin per l’annunzia d’arrivada el niev liug da domicil en Svizra ni egl exteriur.
- Per persunas digl exteriur duvrein nus ils suandonts documents:
• Datum da partenza
• Adressa da partenza
• Lubientscha da jasters
Vus retschevis ina confirmaziun dalla partenza per l’annunzia el niev liug da domicil e per la cassa da malsauns.
Midada d’adressa ella vischnunaca
Nus supplichein Vus da s’annunziar enteifer 8 dis tier nus.
Ina midada d’adressa saveis Vus communicar a nus persunalmein, a scret, per telefon ni cun il suandont formular.
- Per persunas Sviras duvrein nus las suandonts informaziuns:
• Datum dalla midada
• Midada d’adressa d’ulteriurs commembers dalla famiglia
• Nova adressa
• Alzada, posiziun dalla habitaziun
- Per persunas digl exteriur duvrein nus las suandonts informaziuns:
• Datum dalla midada
• Midada d’adressa d’ulteriurs commembers dalla famiglia
• Nova adressa
• Alzada, posiziun dalla habitaziun
• Lubientscha/s da jaster/s
Dimora duront l’jamna en in’autra vischnaunca
Aschi ditg che Vus essas sesents en in’autra vischnaunca (silmeins 3 meins) e vegnis regularmein anavos ella vischnaunca Tujetsch, essas Vus obligai da s’annunziar tier la vischnaunca nua che Vus essas sesents duront l’jamna sco dimorant/a dall‘jamna. Per l’annunzia duvreis Vus in attest per dimora duront l’jamna. Quel saveis Vus empustar tier la vischnaunca Tujetsch persunalmein, per telefon ni cul suandont formular.
![eumzug](https://tujetsch.ch/wp-content/uploads/2019/02/eumzug.jpg)
Naven d’immediat saveis Vus annunziar Vossa partenza sco era la midada d’adressa en vischnaunca online per eUmzug.