Co vai cun tei? Savens eisi buc sempel da discuorer davart sentiments e davart emoziuns. Quei ei denton impurtont. La sanadad psichica ei numnadamein centrala per puder concepir l’atgna veta. En collavuraziun cun las vischnauncas ha l’Uffeci da sanadad plazzau 56 bauns mellens en il cantun. A Sedrun ein dus bauns mellens. In ha liug avon il biro da Sedrun-Mustér turissem ed in ei avon la casa communala. Quels bauns envidan da seser giu, da discuorer in cun l’auter e da tedlar in a l’auter.
Circa la mesadad da las persunas piteschan ina gada en lur veta d’ina malsogna psichica. Perquai eisi impurtont ch’ins s’engascha per l’atgna sanadad psichica e per quella dils concarstgauns. Cun l’acziun da bauns pussibiliteschan las vischnauncas a la populaziun da capir meglier quei tema.
