Votaziun all'urna dils 29 da november 2026:

Approbaziun dalla revisiun totala dalla planisaziun locala

Envesta els acts d’exposiziun:

Lescha da baghegiar
Reglament dallas finamiras da protecziun davart la cuntrada da paliu Maighels
Plan da zonas e plan general da formaziun 1:2’000 Sedrun / Surrein / Cavorgia / Dieni / Rueras / Tschamut / Selva / Pass Alpsu
Plan general d’avertura 1:2’000 Sedrun / Surrein / Cavorgia / Dieni / Rueras / Tschamut / Selva / Pass Alpsu
Plan general d’avertura 1:15’000 Nord / Sid
Plan da zonas e plan general da formaziun 1:15’000 Nord
Plan da zonas 1:15’000 Sid

La documentaziun cumpleina anfleis Vus cun clamar si il suandont link:

Liug e temps d’exposiziun dils documents fisics naven d’immediat entochen ils 29-11-26:
administraziun communala, Via Alpsu 62, 7188 Sedrun, duront las uras da biro

Votaziun all'urna dils 29 da november 2026

Approbaziun d’in credit d’investiziun per la sanaziun e valurisaziun dils baghetgs dalla Scola Sedrun

La sanaziun cumpeglia la reconstrucziun e la revaletaziun dil baghetg da scola existent cun in baghetg annex, la construcziun d’ina nova garascha per la habitaziun dil pedel, la sanaziun dalla scoletta sco era la renovaziun dalla halla da gimnastica veglia e sia midada d’utilisaziun ad ina sala da cultura.

Link tier ils plans dil biro d’architectura Albertin Architekten a Haldenstein

Link tier la calculaziun detagliada dils cuosts dalla sanaziun entras gl’architect André Maissen

Liug e temps d’exposiziun dils documents fisics naven d’immediat entochen ils 29-11-26:
administraziun communala, Via Alpsu 62, 7188 Sedrun, duront las uras da biro

Alzament taxas da hosps e da turissem

La radunonza da vischnaunca da Tujetsch dils 20 da matg 2026 sco era il cussegl da vischnaunca da Mustér (seduta dils 17 da zercladur 2026) ein suandai alla proposta dallas suprastonzas communalas d’alzar la taxa da turissem sin l’entschatta 2027 per la carischia (6.1%) e la taxa da hosps per 30% plus la carischia da 6.1%. Plinavon vegn la vegliadetgna per la deliberaziun dalla taxa da hosps sminuida da 12 sin 6 onns.

Dapli informaziuns

Plan da legislatura pil trienni 2026-2029

Il plan cuntegn finamiras concretas per mintga departament. El preveda projects cullas mesiras corrispundentas, tschenta accents tiels singuls projects e definescha indicaturs che segireschan la controlla davart il progress dallas finamiras.

Tgi che vul prender envesta dallas finamiras dils singuls departaments pigl entir plan da legislatura 2026-2029, sa clamar si il suandont link: Plan